ចំនួនអ្នកបានទស្សនាសរុប
ចំនួនដងនៃការបើកមើល
ចំនួនអ្នកគាំទ្រគេហទំព័រ
កម្មវិធីសិក្សា សេកូ គឺជាអង្គភាពឯកជនមួយដែលមានគម្រោងចំនួន ៣ ៖ សេវាប្រឹក្សាយោបល់ និងសវនកម្ម, សេវាបណ្តុះបណ្តាល និងបង្វឹកការងារ, និងគម្រោង CJEK ។ កម្មវិធីសិក្សា សេកូ មានទស្សនវិស័យចង់ឃើញរាល់ធនធានមនុស្សក្នុងប្រទេសកម្ពុជា មានសមត្ថភាពគ្រប់គ្រាន់ក្នុងការបង្កើតអនាគតរបស់ពួកគេឱ្យមានភាពរុងរឿង រីកចម្រើន សុខសន្តិភាព សុខដុមរមនា និងសុភមង្គល។ ហើយ កម្មវិធីសិក្សា សេកូ មានបេសកកម្មផ្តល់នូវការអភិវឌ្ឍសមត្ថភាពធនធានមនុស្ស តាមរយៈការប្រឹក្សាយោបល់ ការសម្របសម្រួល ការបណ្តុះបណ្តាល ការបង្វឹកការងារ និងការចែករំលែកចំណេះដឹងនៃបទពិសោធន៍ ដល់សិស្សនិស្សិតឬអ្នកសិក្សា និយោជិក និងនិយោជក់។
BIG - Brave (ក្លាហាន), Intelligent (ឈ្លាសវៃ), និង Generous (ចិត្តសប្បុរស)
នៅថ្ងៃទី ១ ខែមិថុនា ឆ្នាំ ២០១១ ក្រុមចែករំលែកចំណេះដឹងនៃបទពិសោធន៍ (SEK) ត្រូវបានផ្តួចផ្តើមបង្កើតឡើង។ ហើយបន្ទាប់មក នៅថ្ងៃទី ១៦ ខែកុម្ភៈ ឆ្នាំ ២០១២ គេហទំព័ររបស់ SEK ត្រូវបានដាក់ឱ្យដំណើរការ។ នៅថ្ងៃទី ២១ ខែវិច្ឆិកា ឆ្នាំ២០១៣ SEK បានអភិវឌ្ឍខ្លួនទៅជា អង្គការចែករំលែកចំណេះដឹងនៃបទពិសោធន៍ (SEKO) ហើយបានចុះបញ្ជីរួចរាល់ជាស្ថាពរនៅក្រសួងមហាផ្ទៃ នៃព្រះរាជាណាចក្រកម្ពុជា នៅថ្ងៃទី ២៨ ខែមករា ឆ្នាំ ២០១៤ និងបានចុះបញ្ជីនៅ Dun & Bradstreet (D&B) នៃសហរដ្ឋអាមេរិក នៅថ្ងៃទី ១៩ ខែកុម្ភះ ឆ្នាំ ២០១៤។ យោងទៅលើដីកាសម្រេច លេខ ៨០/១៣ នាថ្ងៃទី ២៦ ខែធ្នូ ឆ្នាំ២០១៣ ចេញដោយក្រុមប្រឹក្សាភិបាលខណ្ឌ ៧ មករា SEKO ត្រូវបានជ្រើសរើសជាសមាជិកម្នាក់ក្នុងចំណោម ២៣ នាក់ នៃគណៈកម្មាធិការចូលរួមបោះឆ្នោតជ្រើសរើសប្រធានការិយាល័យប្រជាពលរដ្ឋ នៅការិយាល័យច្រកចេញចូលតែមួយ នៃខណ្ឌ ៧ មករា ស្របតាមលទ្ធផលនៃការបោះឆ្នោតជ្រើសតាំងសមាជិក ដែលបានប្រព្រឹត្តទៅនៅថ្ងៃទី ២៤ ខែធ្នូ ឆ្នាំ ២០១៣។
ចាប់តាំងពីការបើកដំណើរការដំបូង ដោយប្រើប្រាស់ពេលវេលាស្ម័គ្រចិត្ត និងថវិការផ្ទាល់ខ្លួន ទើបធ្វើឱ្យគោលគំនិតនិងសកម្មភាពនៃការចែករំលែកចំណេះដឹងនៃបទពិសោធន៍ នៅតែអាចធ្វើទៅបានតាមមធ្យោបាយ និងរូបភាពនានាដែលសមស្របតាមស្ថានការណ៍ជាក់ស្តែង បើទោះបីជាគ្មានកញ្ចប់ថវិការជំនួយណាមួយក៏ដោយ។ ទោះបីយ៉ាងនេះក្តី ដើម្បីមានលទ្ធភាពឱ្យគោលគំនិតនិងសកម្មភាពទាំងនេះនៅតែមាននិរន្តរភាពបន្តទៅមុខទៀតបាន ដូច្នេះទើបកម្មវិធីសិក្សា សេកូ ត្រូវបានបង្កើតឡើងដោយលោក សៀង ប៊ូហឿង នៅថ្ងៃទី ១ ខែមិថុនា ឆ្នាំ ២០១៨ ក្នុងរូបភាពជាអង្គភាពឯកជនមួយ ដើម្បីជំនួសអង្គការចែករំលែកចំណេះដឹងនៃបទពិសោធន៍។
នៅថ្ងៃទី ៨ ខែកញ្ញា ឆ្នាំ ២០២១ កម្មវិធីសិក្សា សេកូ បានកែសម្រួលសកម្មភាពស្នូល និងអភិវឌ្ឍគេហទំព័ររបស់ខ្លួន ដើម្បីឱ្យក្លាយជាអង្គភាពឯកជនដ៏ពេញលេញមួយ។